پاکستان کی معروف ٹی وی میزبان ندا یاسر نئے سال کی تقریبات کے موقع پر اپنے لباس کے باعث سوشل میڈیا پر موضوعِ بحث بن گئیں۔
نئے سال کی تقریب کے لیے ندا یاسر نے سنہری رنگ کا چمکدار درمیانی لمبائی کا لباس زیب تن کیا، جس کے ساتھ سیاہ رنگ کی ٹائٹس اور مختصر سیاہ شرگ شامل تھا جبکہ ان کے اہلِخانہ نے بھی سیاہ اور سنہری تھیم کے مطابق ملبوسات پہنے۔
تاہم ندا یاسر کا یہ فیشن سینس سوشل میڈیا صارفین کو متاثر نہ کر سکا، کئی مداحوں نے لباس کو نامناسب اور پرانا قرار دیا جبکہ بعض صارفین نے اسے غیر سلیقہ مند کہا۔
کچھ تبصروں میں ان کے لباس کا موازنہ گلوکارہ نیہا ککڑ کے انداز سے بھی کیا گیا اور اسے حد سے زیادہ نمایاں قرار دیا گیا۔
تاہم، سوشل میڈیا پر سامنے آنے والے مختلف ردعمل نے ایک بار پھر ندا یاسر کو فیشن کے حوالے سے بحث کا مرکز بنا دیا ہے۔
