ملک کے بیشتر علاقوں میں آج موسم کیسا رہے گا؟
پنجاب، بالائی سندھ اور خیبر پختونخوا کےمیدانی علاقوں میں درمیانی سے شدید دھند کی توقع ہے۔
-
سلمان علی اعوان -
December 18, 2025
ملک کے بیشتر علاقوں میں آج موسم سرد جبکہ بالائی اور مغربی اضلاع میں مطلع جزوی ابر آلود رہنے کا امکان ہے۔
محکمہ موسمیات کے مطابق پنجاب، بالائی سندھ اور خیبر پختونخوا کےمیدانی علاقوں میں درمیانی سے شدید دھند کی توقع ہے۔
اسلام آباد اور گردونواح میں آج موسم سرداور مطلع جزوی ابرآلود رہنے کا امکان ہے، جبکہ کشمیر میں موسم شدید سرد اور مطلع جزوی ابر آلود رہنے کی توقع ہے۔
یہ بھی پڑھیں: سردی میں اضافہ ہو گا یا نہیں، محکمہ موسمیات نے پیش گوئی کر دی
اس کے علاوہ گلگت بلتستان میں موسم شدید سرد اور مطلع جزوی ابر آلود رہنے کا امکان ہے۔
بلوچستان کے بیشتر اضلاع میں موسم سرد اور مطلع جزوی ابرآلود رہنےکی توقع ہے اسی طرح آج خیبرپختونخوا کے بیشتر اضلاع میں بھی موسم سرد اور مطلع جزوی ابرآلود رہے گا۔
محکمہ موسمیات کا کہنا ہے کہ چترال میں مطلع ابرآلود، ہلکی بارش اور بلند پہاڑوں پر ہلکی برفباری کا امکان ہے۔
