انڈر 19 ورلڈ کپ، پاکستان ٹیم اگلا وارم اپ میچ امریکا کے خلاف کھیلے گی
آئی سی سی انڈر 19 ورلڈ کپ کا باقاعدہ آغاز 15 جنوری سے ہوگا
-
ویب ڈیسک -
January 11, 2026
پاکستان انڈر 19 کرکٹ ٹیم آئی سی سی انڈر 19 ورلڈ کپ میں شرکت کے لیے زمبابوے میں موجود ہے اور مسونگو سے بولاوایو پہنچ گئی ہے، جہاں ٹیم اپنی تیاریوں کو حتمی شکل دے رہی ہے۔
پاکستان اور بنگلہ دیش انڈر 19 ٹیموں کے درمیان کھیلا جانے والا پہلا وارم اپ میچ بارش کے باعث مکمل نہ ہو سکا، جس کے باعث کھلاڑیوں کو اپنی صلاحیتوں کے اظہار کا پورا موقع نہ مل سکا۔
قومی انڈر 19 ٹیم اب اپنا دوسرا وارم اپ میچ منگل 13 جنوری کو بولاوایو میں امریکا کے خلاف کھیلے گی، جسے ورلڈ کپ سے قبل اہم تیاری قرار دیا جا رہا ہے۔
واضح رہے کہ آئی سی سی انڈر 19 ورلڈ کپ کا باقاعدہ آغاز 15 جنوری سے ہوگا، جبکہ پاکستان انڈر 19 ٹیم ٹورنامنٹ میں اپنا پہلا میچ 16 جنوری کو ہرارے میں انگلینڈ کے خلاف کھیلے گی۔
