ماہرین فلکیات کی ایک ہی سال میں دوبار رمضان کے حوالے سے اہم پیش گوئی سامنے آگئی
یہ نایاب موقع تقریباً ہر 33 سال بعد آتا ہے
-
ویب ڈیسک -
January 11, 2026
رمضان المبارک ایک انتہائی مقدس مہینہ ہے جس کا انتظار مسلمانوں کو سارا سال رہتا ہے تاہم اب ماہرین فلکیات کی اس حوالے سے ایک اہم پیش گوئی سامنے آئی ہے۔
ماہرین کے مطابق 2030 ایک ایسا سال ہے جس میں مسلمان دوبار اس ماہ مقدس کا استقبال کریں گے، اس کی وجہ اسلامی قمری کیلنڈر اور عیسوی شمسی کیلنڈر کے درمیان فرق ہے۔
یہ بات تو سب ہی جانتے ہیں کہ اسلامی کیلنڈر چاند کی گردش کے مطابق ہوتا ہے اور اس کا سال تقریباً 354 دنوں پر مشتمل ہوتا ہے، جو عیسوی سال سے 10 سے 11 دن کم ہے۔ اسی لیے رمضان ہر سال تقریبا 10 سے 11 دن پہلے آتا ہے۔
یہ بھی پڑھیں: سال 2026؛ رمضان المبارک کا آغاز کب سے ہوگا؟ تاریخ کی پیشگوئی
ماہرین کے مطابق سن 2030 میں رمضان المبارک پہلی بار 5 جنوری (اسلامی سال 1451 ہجری) کو شروع ہوگا، جبکہ دوسری بار 26 دسمبر (اسلامی سال 1452 ہجری) کو شروع ہوگا۔ اس طرح مسلمان ایک ہی عیسوی سال میں دو مرتبہ روزے رکھیں گے، جنوری میں 30 اور دسمبر میں 6 روزے ہوں گے، جس سے مجموعی طور پر 36 روزے اس سال ادا کیے جائیں گے۔
یہ نایاب موقع تقریباً ہر 33 سال بعد آتا ہے، کیونکہ قمری اور شمسی کیلنڈر کے فرق کی وجہ سے اسلامی مہینے مختلف موسموں سے گزرتے ہیں۔ اس سے قبل یہ موقع 1997 میں آیا تھا، اور اگلا موقع 2063 میں ہوگا۔
