نجکاری کمیشن کا 247 واں اجلاس، بڑے اداروں کی نجکاری پر اہم فیصلے
پی ایم آر سی ایل کی 4.2 ارب کی بولی مسترد، جس کی قیمت توقع سے کم 13.55 ارب رہی
-
ویب ڈیسک -
January 9, 2026
مشیر نجکاری محمد علی کی زیر صدارت نجکاری کمیشن بورڈ کا 247 واں اجلاس منعقد ہوا، جس میں بڑے اداروں کی نجکاری پر پیشرفت اور اہم فیصلے کیے گئے۔ اجلاس کے دوران متعدد پروجیکٹس کے حوالے سے اعلامیے جاری کیے گئے۔
اہم فیصلوں میں شامل ہیں:
ہاؤس بلڈنگ فنانس کمپنی (HBFCL) کی 51 فیصد نجکاری کا موجودہ عمل ختم کرنے کی سفارش؛ نجکاری نئے فنانشل ایڈوائزر کے ساتھ دوبارہ شروع ہوگی۔
پی ایم آر سی ایل کی 4.2 ارب کی بولی مسترد، جس کی قیمت توقع سے کم 13.55 ارب رہی۔
روزویلٹ ہوٹل نیویارک کے نجکاری عمل میں فنانشل ایڈوائزر کی تقرری منسوخ، نئے اظہار دلچسپی طلب کرنے کا فیصلہ کیا گیا۔
اسلام آباد انٹرنیشنل ایئرپورٹ کو نجکاری پروگرام میں شامل کرنے کی سفارش، نجکاری کنسیشن ماڈل اور ADB سے براہ راست مذاکرات کے ذریعے ہوگی۔
جی ٹو جی موڈ مسترد، اوپن اور شفاف عمل اپنانے کا فیصلہ کیا گیا۔
حیسکو اور سیپکو کی نجکاری کے لیے ٹرانزیکشن کمیٹی قائم، فنانشل ایڈوائزر کی رپورٹس کا جائزہ لیا جائے گا۔
اجلاس کے اعلامیے میں نجکاری کمیشن نے شفاف، منظم اور مسابقتی عمل کے عزم کا اعادہ کیا، تاکہ عوامی اور نجی شعبے کے مفادات کو یقینی بنایا جا سکے۔
