پاکستان اور سری لنکا کے درمیان جاری تین میچوں کی ون ڈے سیریز کے دوسرے میچ پاکستان نے سری لنکا کو شکست دے کر سیریز اپنے نام کر لی۔
آئی لینڈرز کا 289 رنز کا ہدف گرین شرٹس نے 48.2 اوورز میں دو وکٹوں کے نقصان پر حاصل کیا۔
پاکستان کی اننگ کی خاص بات اسٹار بلے باز بابر اعظم کی شاندار سنچری تھی جنہوں نے 119 گیندوں پر 8 چوکوں کی مدد سے ناقابل شکست 102 رنز کی اننگز کھیلی۔ بایر اعظم نے 83 اننگز کے طویل انتظار کے بعد سنچری بنائی۔
پاکستان کے اوپنرز فخر زمان اور صائم ایوب نے 77 رنز کا آغاز فراہم کیا، صائم ایوب 33 رنز بنا کر آؤٹ ہوئے، جبکہ فخر زمان نے 78 رنز بنائے۔
محمد رضوان 51 رنز بنا کر ناٹ آؤٹ رہے۔
سری لنکا کی جانب سے دشمانتا چمیرا نے 2 وکٹیں حاصل کیں۔
اس سے قبل پاکستان اور سری لنکا کی ٹیموں کے درمیان ون ڈے سیریز کا دوسرا میچ آج راولپنڈی اسٹیڈیم میں کھیلا گیا جس میں پاکستان نے ٹاس جیت کر فیلڈنگ کا فیصلہ کیا۔
سری لنکا نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 288 رنز اسکور کیے، جنیتھ لیانیج 54 رنز کے ساتھ ٹاپ اسکورر رہے۔
علاوہ ازیں کمندو میندس 44، سدیراسمارا وکرما 42، کامل مشارا 27، پتھم نسانکا 24، کوسل مینڈس 20، چرتھ اسالنکا 6 اور دشمنتھا چمیرا صفر پر آؤٹ ہوئے۔
وینددو ہسارنگا 37 اور پرامود مدھوشن 11 رنز بناکر ناٹ رہے جب کہ پاکستان کی جانب سے حارث رؤف اور ابرار احمد نے 3،3 کھلاڑیوں کو آؤٹ کیا، محمد وسیم 1 وکٹ لینے میں کامیاب رہے۔
پاکستان کی پلیئنگ الیون
قومی ٹیم میں فخرزمان، صائم ایوب، بابراعظم، محمدرضوان، سلمان علی آغا( کپتان)، حسین طلعت، محمد نواز، محمد وسیم، ابرار احمد، نسیم شاہ اور حارث رؤف شامل ہیں جب کہ شاہین شاہ آفریدی طبیعت ٹھیک نا ہونے کے باعث گیارہ رکنی اسکواڈ کا حصہ نہیں۔
