نئے سال کے آغاز پر ہونڈا پاکستان نے سِوک 2026 فیس لفٹ ماڈلز کی باضابطہ تعارفی ریٹیل قیمتوں کا اعلان کردیا ہے۔
کمپنی نے چند روز قبل سِوک کے فیس لفٹ ورژن متعارف کرانے کا عندیہ دیا تھا، جس میں تمام ویرئنٹس میں ہونڈا سینسنگ کو بطور اسٹینڈرڈ فیچر شامل کیا گیا ہے۔
فیس لفٹ ماڈل میں فرنٹ گرِل کے نئے ڈیزائن سمیت کئی نمایاں تبدیلیاں کی گئی ہیں جبکہ اس سے قبل کمپنی گاڑی کی بکنگ قیمتیں بھی جاری کر چکی تھی۔
یکم جنوری سے اپڈیٹڈ ہونڈا سِوک فیس لفٹ کی ایکس فیکٹری تعارفی قیمتیں درج ذیل مقرر کی گئی ہیں جس کے مطابق ہونڈا سِوک اسٹینڈرڈ کی قیمت 84,99,000 روپے، ہونڈا سِوک اورئیل کی 88,34,000 روپے اور ہونڈا سِوک آر ایس کی قیمت 1 کروڑ 1 لاکھ روپے رکھی گئی ہے۔
کمپنی کے مطابق یہ قیمتیں تعارفی بنیادوں پر محدود مدت کے لیے ہیں، جس کے بعد ان میں رد و بدل کیا جا سکتا ہے۔
