سوئزرلینڈ: نئے سال کی تقریب خون میں نہاگئی، خوفناک دھماکے سے 40 افراد ہلاک
خوفناک دھماکہ نئے سال کی آمد کی خوشی میں منعقدہ تقریب کے دوران کیا گیا
-
ویب ڈیسک -
January 1, 2026
جنیوا: سوئزرلینڈ میں نئے سال کی تقریب خوفناک دھماکے کے نتیجے میں خون میں نہاگئی، دھماکے سے 40 افراد ہلاک، 100 زخمی ہوگئے۔
غیر ملکی میڈیا رپورٹس کے مطابق دھماکے کی شدت اس قدر زیادہ تھی کہ قریبی عمارتوں کے شیشے بھی ٹوٹ گئے۔
میڈیا رپورٹس کے مطابق دھماکے کے نتیجے میں اب تک 40 افراد کے ہلاک ہونے کی تصدیق ہوچکی ہے جبکہ زخمیوں کی تعداد 100 سے زائد بتائی جارہی ہے۔
مزید پڑھیں: 2022 کا سیلاب؛ جینیوا ڈونرز کانفرنس میں 11 ارب ڈالر کی فنانسنگ میں پلاننگ کا فقدان
پولیس حکام کا کہنا ہے کہ دھماکے کے وقت بار میں 100 سے زائد افراد موجود تھے، دھماکے کی شدت اتنی زیادہ تھی کہ قریبی عمارتوں کے شیشے ٹوٹ گئے۔
سوئس پولیس کے مطابق دھماکے کی نوعیت تاحال معلوم نہیں ہو سکی اور واقعے کی تحقیقات جاری ہیں۔ ہلاک افراد کی لاشوں اور زخمیوں کو فوری طور پر قریبی اسپتالوں میں منتقل کیا جا رہا ہے۔
غیر ملکی میڈیا کے مطابق ریسکیو ٹیمیں جائے وقوعہ پر پہنچ کر امدادی کارروائیاں کر رہی ہیں۔
رپورٹس کے مطابق دھماکہ جنیوا کے قریب سوئس اسکی ریزورٹ ٹاؤن کران مونٹانا میں ہوا، سوئس پولیس نے عوام سے افواہوں سے گریز کرنے اور سرکاری معلومات پر ہی انحصار کرنے کی اپیل کی ہے۔
