معرکہ حق میں بھارت کے تباہ ہونے والے رافیل طیاروں کے ٹیل نمبرز سامنے آ گئے
پاکستانی ملٹی ڈومین آپریشنز نے بھارتی فضائیہ کو شدید نقصان پہنچایا، برطانوی جریدہ
-
ویب ڈیسک -
December 16, 2025
برطانوی دفاعی جریدے ’کی ایرو‘ نے اپنی تحقیقی رپورٹ میں مئی کی پاک بھارت فضائی جنگ کے دوران بھارت کے 4 رافیل لڑاکا طیاروں کی تباہی کی تفصیلات سامنے رکھ دیں۔
رپورٹ کے مطابق 52 منٹ کے ہائی وولٹیج فضائی تصادم میں بھارت کے BS-001، BS-021، BS-022 اور BS-027 رافیل طیارے تباہ ہوئے، جبکہ بھارت ابھی تک ان طیاروں کی واضح تصاویر پیش کرنے میں ناکام رہا ہے۔
رپورٹ میں بتایا گیا ہے کہ پاکستانی ملٹی ڈومین آپریشنز نے بھارتی فضائیہ کو شدید نقصان پہنچایا، جس میں نہ صرف 4 رافیل بلکہ مگ 29، ایس یو 30 اور ہیرون ڈرون بھی شامل ہیں۔
مزید برآں، 10 مئی کو جے ایف 17 سی بلاک 3 نے ادھم پور میں بھارتی دفاعی نظام S-400 کو تباہ کیا، اور پاکستانی فضائیہ نے برنالا میں بھارتی کمانڈ اینڈ کنٹرول سسٹم کو نشانہ بنایا۔
رپورٹ میں یہ بھی انکشاف ہوا کہ پاکستانی سائبر یونٹس نے بھارت کے تقریباً 96 فیصد سوشل نیٹ ورکس اور ڈیجیٹل نظام کو مفلوج کر دیا، پہلی بار کسی فضائیہ نے روایتی اور سائبر جنگی اقدامات کو یکجا کر کے کامیاب آپریشن کیا۔
رپورٹ کے مطابق بھارتی چیف آف ڈیفنس اسٹاف جنرل انیل چوہان نے انٹرویو میں طیاروں کی تباہی تسلیم کی تھی۔
